काठमाडौं । रसुवागढी हाइड्रोपावरको आइपिओ बाँडफाँट भएको छ । कम्पनीले आज अर्थात बुधबार सो आइपिओ बाँटफाँट गरेको हो । कम्पनीले असार १३ बाट आयोजना प्रभावित स्थानीय बासिन्दालाई १ सय अंकित मूल्यमा ६८ लाख ४२ हजार १०० कित्ता सेयर निष्कासन गरेको थियो ।

कम्पनीका अनुसार उक्त आइपिओमा अति प्रभावित क्षेत्र गोसाइकुण्ड, वडा नं‍ १ थुमन र वडा नं‍ २ टिमेरे तथा प्रभावित क्षेत्र आमाछोदिङमो गाउँपालिका वडा नं‍ ४ गोल्जुङ र वडा नं ५ यस्तै, गोसाइ कुण्ड गाउँपालिकाका बाँकी वडाहरु, वडा नं‍ ३ बृद्धम, वडा नं‍ ४ लाङटाङ, वडा नं‍ ५ स्याफ्रुबेशी र वडा नं‍ ६ धुन्चेका स्थानीयले पनि आवेदन दिएका थिए ।

सेयर बाँडफाँटको नतिजा बिक्री प्रबन्धक सिद्धार्थ क्यापिटल तथा सह–बिक्री प्रबन्धकहरु एनआइबीएल एस क्यापिटल, ग्लोबल आइएमई क्यापिटल र सनराइज क्यापिटलको वेबसाइटबाट हेर्न सकिने  बिक्री प्रबन्धक सिद्धार्थ क्यापिटले जनाएको छ ।