काठमाडौं । साताको अन्तिम दिन शुक्रबार सुन–चाँदीको मूल्य घटेको छ। नेपाल सुनचाँदी व्यवसायी महासंघका अनुसार आज छापावाल सुन तोलामा एक हजारले घटेर ९१ हजार ५ सय रुपैयाँमा कारोबार भइरहेको छ ।

बिहीबार छापावाल सुन तोलामा ९२ हजार ५ सय रुपैयाँ कायम थियो । त्यस्तै आज तेजाबी सुन तोलामा ९१ हजार रुपैयाँ निर्धारण गरिएको महासंघले जनाएको छ ।

शुक्रबार चाँदीको मूल्य पनि १० रुपैयाँले घटेर ११ सय ७० रुपैयाँमा कारोबार भइरहेको छ। बिहीबार चाँदी प्रतितोला ११ सय ८० रुपैयाँमा कारोबार भएको थियो।