काठमाडौं । बुधबार निधन भएका हाँस्य कलाकार राजु श्रीवास्तवको जन्म भारतको उत्तर प्रदेशको कानपुरमा एक मध्यमवर्गीय परिवारमा भएको थियो ।

त्यसपछि उनी प्रारम्भिक शिक्षा पूरा गरेपछि चलचित्र उत्पादनको केन्द्र मुम्बईमा आफ्नो प्रतिभा प्रस्तुत गर्न पुगेका थिए ।

कानुनपुरमा जन्मिएर मुम्बईमा लामो संघर्षपछि करिअर बनाएका श्रीवास्तवको निधन भने राजधानी नयाँ दिल्लीमा भएको छ ।

बाल्यकालदेखि नै उनमा हास्यव्यङ्ग्यको अद्भूत चेत थियो । उनी त्यसैबेलादेखि हास्य कलाकार बन्न चाहन्थे । प्रारम्भमा सानो चरित्रका साथ चलचित्र जगत्मा प्रवेश गरेका उनले ‘तेजाब, मैने प्यार किया, बाजिगर, आमदानी अठन्नी खर्च रूपैया, मै प्रेम दिवानी हुँ, बिग ब्रदर, बम्बै टु गोआ’ लगायत धेरै चलचित्रमा अभिनय गरेका थिए ।

बलिउडका कलाकारहरूले राजु श्रीवास्तवको निधनप्रति के भने ?