म्यानमार । म्यानमारमा कोरोना भाइरसविरुद्ध लड्न तीन करोड ७० लाख व्यक्तिले खोप लगाएका यहाँको स्वास्थ्य मन्त्रालयले बुधबार जानकारी दिएको छ । तीमध्ये तीन करोड ७२ हजार व्यक्ति १८ वर्ष भन्दा माथि रहेका र छ लाख ७० हजार व्यक्ति १८ वर्ष भन्दा कम उमेरका रहेका जनाइएको छ ।

पछिल्लो २४ घण्टामा थप ७० जना कोरोना संक्रमित थपिएपछि म्यान्मारमा कोरोना संक्रमितको कूल संख्या ६  लाख ३२ हजार चार सय ६१ पुगेको छ । स्वास्थ्य अधिकारीहरूले विगत २४ घण्टामा ९ हजार नौ सय ४३ जनामा कोभिड–१९ परीक्षण भएको र दैनिक पोजिटिभ दर ०.७ प्रतिशत रहेको बताइएको छ ।

पछिल्लो २४ घण्टामा कोरोना संक्रमणको कारण कसैको पनि मृत्यु नभएको जनाइएको छ ।  कोरोना शुरुभएबाट हालसम्म कोरोना सङ्क्रमणको कारण १९ हजार चार सय ८६ व्यक्तिको मृत्यु भएको मन्त्रालयले जनाएको छ ।