फिलिपिन्स । फिलिपिन्सका राष्ट्रपति फर्डिनान्ड रोमुलादेज म्याक्रोसले आफ्नो देशमा जलवायु परिवर्तनको असर कम गर्नुका साथै खाद्य सुरक्षाका क्षेत्रमा जोड दिइने बताएका छन् ।

उनले दक्षिणपूर्वी एसियाली क्षेत्रीय संगठन, आसियानको सम्मेलनका क्रममा आफूले यी विषयमा जोड दिने बताएका हुन् ।

बिहीबारदेखि कोलम्बोमा सुरु हुन लागेको सो सम्मेलनमा सहभागी हुन जाने क्रममा विमानस्थलमा राष्ट्रपति फर्डिनान्डले सो प्रतिक्रिया दिएका हुन् ।

कम्बोडियाको नोम्पेन्हमा बिहीबार सो सम्मेलनमा सुरु हुन लागेको छ । सो सम्मेलनमा एसियाली देशका नेताको सहभागिता हुने जनाइएको छ ।

उनले पछिल्लो समयमा फिलिपिन्समा आर्थिक विकासका एजेण्डामा जोड दिनुपर्ने अवस्था रहेको तथा जलवायु परिवर्तनको असर धेरै देखिएको बताएका हुन् ।

त्यसैले आसियानको बैठकमा आफूले यिनै विषयमा जोड दिने जानकारी उनले गराएका हुन् । हालैमात्र विश्व बैंकको एक प्रतिवेदनमा फिलिपिन्स जलवायु परिवर्तनको असरका हिसाबले निकै जोखिमपूर्ण अवस्थामा रहेको जनाइएको थियो ।

त्यसैले यस क्षेत्रमा सहयोग र समन्वयका लागि आफूले आसियानको सम्मेलनमा आवाज उठाउने तयारी गरेको जानकारी राष्ट्रपति फर्डिनान्डले दिएका हुन् ।