बागमती । मकवानपुरको हेटौडामा तरकारी तथा फलफूल बेच्नका लागि निमार्ण गरिएको बजार भवनको आज उद्घाटन गरिएको छ ।

हेटौडा उपमहानगरपालिका वडा १ स्थित चौकीटोलमा निमार्ण भएको सो तरकारी बजार भवनको उपमहानगरपालिकाका नगरप्रमुख मीना लामा तथा उपप्रमुख राजेश बानीयाँले उद्घाटन गरेका हुन् । सो तरकारी बजारमा ३३ थोक र एक सय छ खुद्रा पसल कक्ष निर्माण गरिएको नेपाल फलफूल तथा तरकारी व्यवसायी संघ हेटौडाले जनाएको छ ।

संघ र उपमहानगरपालिकाको लगानीमा सो बजारको निमार्ण गरिएको संघका सह–सचिव मजोज साहले जानकरी दिए । बसपार्कमा रहेका एक सय ६ व्यवसायीबाट रु दुई लाख ५० हजार तथा उपमहानगरपालिबाट ३३ लाख गरी कूल ३५ लाख ५० हजारको लागतमा सो बजार भवनको निमार्ण भएको सह–सचिव साहले भने । सो अवसरमा नगरप्रमुख लामाले हेटौंडा उपमहानगरपालिकालाई व्यवस्थित बनाउन सबैको सहयोगको खाँचो रहेको बताए ।