NepalWatch

News Portal For Eeverything In Nepal from Nepal

२०८० फागुन १९ गते

पाकिस्तानमा सडक दुर्घटना :  दुई जनाको मृत्यु, ८ घाइते

इस्लामाबाद । पाकिस्तानको दक्षिणी सिन्ध प्रान्तको नौसहरो फिरोज जिल्लामा सोमबार एउटा भ्यान र ट्रेलर एक आपसमा ठोक्किँदा कम्तीमा दुई जनाको मृत्यु हुनुका साथै अन्य आठ जना घाइते भएका छन् ।

दिउँसोको समयमा दादु–मोरो लिंक सडकमा उखु बोकेको ट्रेलरसँग भ्यान ठोक्किएर दुर्घटना हुँदा दुई जनाको घटनास्थलमै मृत्यु भएको जानकारी दिएको छ ।

प्रहरी र उद्धार टोली घटनास्थलमा पुगेर पीडितहरूलाई अस्पतालमा सारिएको स्थानीय सञ्चारमाध्यमले जनाएका छन्, घाइते हुनेमा महिला र बालबालिका पनि रहेका छन् । दुर्घटनाग्रस्त भ्यान सिन्धको दादु जिल्लाबाट खैरपुर जिल्ला जाँदै गरेको थियो ।

पाकिस्तानमा प्रायः सडक दुर्घटनाहरु हुन्छन्, मुख्यतया खराब मर्मत गरिएका सवारी साधनहरु जीर्ण सडकहरू र सडक सुरक्षा उपायहरुको लापरवाहीका कारण भएको बताइन्छ ।