काठमाडौं । गत मंसिर ४ मा सम्पन्न प्रतिनिधिसभा निर्वाचनमार्फत राष्ट्रिय दल बन्न सफल जनमत पार्टीको संसदीय दलको नेतामा डा. सिके राउत चयन भएका छन् ।

सो पार्टीको बुद्धनगरस्थित पार्टी कार्यालयमा आइतबार बसेको सांसदहरूको बैठकले अध्यक्ष डा. राउतलाई सर्वसम्मत संसदीय दलको नेता चयन गरेको हो ।

नेता राउत जसपा अध्यक्ष उपेन्द्र यादवलाई सप्तरी क्षेत्र नं. २ बाट परास्त गरेर सांसदमा विजयी बनेका थिए ।

पहिलो पटक प्रतिनिधिसभा निर्वाचनमा होमिएयो दलले प्रत्यक्षमा ६ र समानुपातिकमा ५ सिट हासिल गरेको छ ।

संसदमा सम्मानजनक स्थान बनाएको जनमत पार्टीले दलको उपनेता र प्रमुख सचेतक भने चयन गर्न बाँकी छ । त्यसका निम्ति सोमबार पुनः बैठक बोलाइएको सो पार्टीले जनाएको छ ।