पोप फ्रान्सिस, जो बाइडेनलगायत विश्व नेताहरूद्वारा ‘क्रिसमस’ को शुभकामना व्यक्त
नयाँ दिल्ली । क्रिश्चियन धर्मगुरू तथा विश्वका नेतागणहरूले आइतबार विश्वका क्रिश्चियन धर्मावलम्बीहरूले मनाउने क्रिसमसका अवसरमा शुभकामना व्यक्त गरेका छन् ।
क्रिश्चियन धर्मगुरू पोप फ्रान्सिस, अमेरिकी राष्ट्रपति जो बाइडेन, क्यानडाका प्रधानमन्त्री जस्टिन ट्रुडो र अष्ट्रेलियन प्रधानमन्त्री एन्थोनी अल्बानीसलगायत नेताहरूले क्रिसमसको अवसरमा देश विदेशमा रहेका आफ्ना नागरिक र विश्व समुदायमा ‘क्रिसमस’को शुभकामना व्यक्त गरेका हुन् ।
पोप फ्रान्सिसले ट्वीट गर्दै लेखेका छन्, ‘आज राति ईश्वर तपाईंको नजिक आउनुभएको छ किनभने तपाईं उहाँका लागि महत्वपूर्ण हुनुहुन्छ । अपराध बोध र अपर्याप्तताको भावनाले तपाई हामीहरूलाई भस्म पार्छ । हाम्रा सबै बहानाहरू हराएर जाऊन्, हाम्रो धार्मिकता जागोस् र हाम्रा पाखण्डहरू फालिऊन् ।’
शुभकामना सन्देशमा बाइडेनले भने, ‘सबैले छुट्टीको मौसममा परिवार र साथीहरूसँग समय बिताउन अवसर मिलोस् । हामी यस समयमा हामीबाट विविध कारणले टाढा भएका जो कोहीको लागि हाम्रो हृदयमा एक विशेष स्थान पनि राखेका छौं । हाम्रो परिवारदेखि तपाईंसम्म, जिल र म तपाईंलाई शान्तिपूर्ण ‘क्रिसमस इभ’को शुभकामना व्यक्त गर्दछौँ ।’
क्यानडाका प्रधानमन्त्री ट्रुडोले पनि ‘आनन्द, स्वास्थ्य, प्रेम र शान्ति’को कामना गर्दै क्रिसमस ट्रीको वरिपरि भेला हुन र सँगै केही समय बिताउन पाउँदा आफू उत्साहित भएको बताएका छन् । उनले भनेका छन्, ‘मेरी क्रिसमस१ लाखौं क्यानेडियाली जस्तै, मेरो परिवार क्रिसमस ट्री वरिपरि भेला हुन र सँगै केही गुणस्तरीय समय बिताउन उत्साहित छ । हामी नयाँ वर्षको प्रतिक्षामा छौं, हामी तपाईलाई खुशी, स्वास्थ्य, प्रेम र शान्तिको कामना पनि गर्दछौँ ।’
यसैगरी, अष्ट्रेलियाका प्रधानमन्त्री अल्बानीसले क्रिसमस वर्षको विशेष समय भएको बताएका छन् । ‘यो दान गर्ने दिन हो । यो दिन परिवार र साथीहरूसँगै आराम गर्ने दिन हो । अनि थुप्रै अस्ट्रेलियालीहरूका लागि यो एउटा यस्तो दिन हो जुन तिनीहरूको विश्वासको केन्द्रबिन्दु हो । निसन्देहस सबैले आज यसलाई सजिलोसँग लिन सकून् । सबै अष्ट्रेलियालीप्रति क्रिसमसको शुभकामना, मेरी क्रिसमस ।’ उनले भने ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया