काठमाडौं । राष्ट्रिय स्वतन्त्र पार्टीका सभापति रवि लामिछानेले उपप्रधान तथा गृहमन्त्रीमा दाबी गरेका छन् ।

सोमबार संसद भवन नयाँ बानेश्वरमा बसेको सत्ता गठबन्धनको बैठकमा रविले शक्तिशाली मन्त्रीसहित उप्रधानमन्त्री दाबी गरेका हु्न् । बैठकपछि सञ्चारकर्मीसँग प्रतिक्रिया दिँदै उनले आफूले सरकार सञ्चालनबारे विभिन्न शर्त राखेको बताए ।

‘बैठकमा रास्वपाले भ्रष्टाचार मुद्दा हेर्न अधिकार सम्पन्न संयन्त्र बनाउने, शिक्षा र स्वास्थ्यमा साझा विधेयक ल्याउने, विदेशमा रहेका नेपालीहरूलाई मतदानको अधिकार दिनेलगायत विषयमा शर्त राखेका छौं ।’

दिउँसो ४ बजे प्रधानमन्त्री प्रचण्डले राष्ट्रपतिबाट पद तथा गोपनीयताको सपथ ग्रहण गर्ने कार्यक्रम छ । उनले आजै सानो आकारको मन्त्रिपरिषद् गठन गर्ने तयारी गरेका छन् ।