काठमाडौं ।आइतबारदेखि चीनले कोरोना महामारीसँग सम्बन्धित यात्रा नियमअन्तर्गत क्वारेन्टाइन बस्नुपर्ने व्यवस्था हटाउन लागेको छ ।

योसँगै अब चीन प्रवेश गर्नुअघि क्वारेन्टाइनमा बस्नु पर्ने बाध्यता अन्त्य हुनेछ ।

समाचार एजेन्सी रोयटर्सका अनुसार चीनले आफ्ना नागरिकहरूलाई विदेश यात्राका लागि राहदानी र भिसा पनि दिन थालेको छ।

विदेशीलाई सामान्य भिसा र परमिट पनि जारी गर्न थालिएको छ ।

लामो समयदेखि चीनमा शून्य कोभिड नीति अवलम्बन गरिँदै आएको थियो तर आन्दोलन र अर्थतन्त्रमा परेको नोक्सानका कारण यसलाई परिमार्जन गरिएको छ ।

लगानीकर्ताहरूका अनुसार नाकाहरु खुल्दा चिनियाँ अर्थतन्त्रलाई पुनरुत्थान गर्न मद्दत पुग्नेछ ।

चीनले पछिल्लो आधा दशकमा सबैभन्दा सुस्त आर्थिक वृद्धिको सामना गरिरहेको छ।

तर नियमहरू खुकुलो भएसँगै कोरोना संक्रमितको संख्या बढ्ने अनुमान गरिएको छ ।