NepalWatch

News Portal For Eeverything In Nepal from Nepal

२०८१ जेठ ११ गते

यातायात व्यवसायीको आन्दोलनपछि फेरिए बालाजुका डिएसपी

काठमाडौं । आइतबार बालाजु परिसरमा यातायात व्यवसायी र मजदुरहरूले आन्दोलन मच्चाएपछि प्रहरी वृत्त बालाजुका प्रहरी नायब (उपरिक्षक)लाई जिम्मेवारीबाट मुक्त गराइएको छ ।

काठमाडौं उपत्यका प्रहरी कार्यालयका प्रहरी वरिष्ठ उपरिक्षक तथा प्रवक्ता हिमालय कुमार श्रेष्ठका अनुसार घटना पछि सुरक्षा व्यवस्था थप बलियो बनाउनका लागि डिएसपी रबिन विष्टको जिम्मेवारी हेरफेरि गरिएको हो । उनको ठाउँ अहिले डीएसपी मनोजित कुवँरले सम्हालेका छन् ।

आइतबार भएको उक्त घटनामा आन्दोलनकारीले प्रहरीको दुईवटा भ्यान जलाएका थिए भने दुईवटा प्रहरी पोष्टमा क्षति पुर्याएका थिए ।

घटनामा ६४ जना प्रहरी घाइते भएका छन् । श्रेष्ठकाअनुसार १२ आन्दोलनकारी पक्राउ परिसकेका छन् भने अन्यको खोजी कार्य जारी छ ।