दुर्गा प्रसाईंले एमाले छोड्ने

विभिन्न परिषद, अस्पताल र बीमा बोर्डका पदाधिकारीका लागि आवेदन आह्वान

नेपालवाच २०७९ फागुन ७ गते १८:०५

काठमाडौं । नेकपा एमालेका केन्द्रीय सदस्य तथा व्यवसायी दुर्गा प्रसाईंले एमाले त्याग गर्ने भएका छ्न ।

उनले बिहीबार पूर्वराजा ज्ञानेन्द्रसहित सपरिवारको उपस्थितीमा नागरिक बचाउ अभियान सुरू गरेका थिए । यो अभियानसँगै उनलाई पार्टीको स्थायी कमिटीले कारवाही सिफारिस गरेको थियो ।

प्रसाईंले आजै अध्यक्ष केपी ओलीसमक्ष राजीनामा दिने बुझिएको छ ।

नेकपा विभाजन हुनुअघिसम्म प्रधानमन्त्री प्रचण्डसँग रहेका उनी नेकपा फुटेपछि अध्यक्ष ओलीसँग नजिकिएका थिए । अहिले फेरि पूर्वराजा ज्ञानेन्द्रसँग निकट भएका उनको राजनीतिक छवि विवादस्पद रहँदै आएको छ ।