काठमाडौं । नावालिगमाथि करणीको आरोपमा पुर्पक्षका लागि थुनामा रहेका अभिनेता पल शाह आज थुनामुक्त भएका छन् ।

शाहले उच्च अदालत, पोखराबाट आइतबार सफाइ पाएका हुन् । उच्च अदालत, पोखराका न्यायाधीशद्वय डिल्लीराज आचार्य र श्रीधराकुमारी पुडासैनीको संयुक्त इजलासले शाहविरुद्धको जबर्जस्ती करणी अभियोगमा आइतबार दाबी नपुग्ने फैसला गरेको हो ।

शाह जिल्ला कारागार तनहुँमा एकवर्षदेखि पूर्पक्षमा थिए । जबरजस्ती करणी गरेको जाहेरी प्रहरीमा दिएपछि शाहले गत वर्ष फागुन १५ मा प्रहरीसमक्ष आत्मसमर्पण गरेका थिए ।