काठमाडौं । राष्ट्रपति निर्वाचन, प्रधानमन्त्रीविरुद्ध सर्वोच्च अदालतको आदेश लगायत विषयमा छलफल गर्न सत्तारूढ ८ दलको बैठक बस्ने भएको छ ।

कांग्रेसको संसदीय दलको कार्यालय सिंहदरबारमा बैठक बस्न लागिएको प्रधानमन्त्रीको सचिवालयले जनाएको छ । सचिवालयको अनुसार बैठकमा २५ गते हुने राष्ट्रपति निर्वाचन, मन्त्रिपरिषद विस्तारबारे पनि छलफल हुनेछ ।

यसअघि आइतबार प्रधानमन्त्री निवास बालुवाटारमा बसेको बैठकले संक्रमणकालीन न्यायलाई छिट्टै निष्कर्षमा पुर्याउने सहमति गरेका थिए । अदालतको अदेश बमोजिम कानुन संशोधन गर्ने निर्णय गरेका थिए ।

कांग्रेस, नेकपा माओवादी केन्द्र, जसपा, एकीकृत समाजवादी, नागरिक उन्मुक्ति पार्टी, लोसपा, जनमत पार्टी, राष्ट्रिय जनमोर्चाका नेताहरू छलफलमा जुट्न लागेका हुन्।