काठमाडौं । एकसाथ जनयुद्ध लडेर शान्ति प्रक्रियामा अवतरणपछि विभिन्न दलमा आबद्ध माओवादी घटक दलले द्वन्द्वकालीन मुद्दा नियमित अदालतमा लगिएको विषयबारे आमनागरिकलाई सुसूचित गर्ने निर्णय गरेका छन् ।

प्रधानमन्त्री पुष्पकमल दाहाल प्रचण्डको आह्वानमा शुक्रबार बिहान बसेको बैठकले अन्तरक्रिया, पत्रकार सम्मेलनमार्फत द्वन्द्वकालीन घटनाबारे आम जनतालाई जानकारी दिने निर्णय लिएको हो ।

नेकपा (क्रान्तिकारी माओवादी) का नेता सिपी गजुरेलले संयुक्त रूपमा फागुन २८ गते पत्रकार सम्मेलन र ३० गते संयुक्त अन्तरक्रिया गर्ने निर्णय भएको जानकारी दिए । ।

माओवादी केन्द्रका अध्यक्ष प्रचण्डले टुँडिखेलमा दुई वर्षअघि व्यक्त गरेको भनाइलाई प्रमाणका रूपमा प्रस्तुत गर्दै द्वन्द्वकालीन मुद्दालाई नियमित अदालतमा प्रवेश गराइएपछि माओवादीकालीन शक्ति सशंकित बनेका छन् । एक नदीका दुई किनाराजस्ता बनेका माओवादी जनयुद्धकालीन नेता यी मुद्दाले नजिकिएर एक सातामै दुई पटक बैठक बसेका छन् ।