काठमाडौं । नवनिर्वाचित राष्ट्रपति रामचन्द्र पौडेललाई काममुकायम प्रधानन्यायाधीश हरिकृष्ण कार्कीले पद तथा गोपनीयताको शपथ ग्रहण गराउने भएका छन् ।

राष्ट्रपतिको कार्यालय शीतलनिवासमा दिउँसाे १ बजे आयोजना हुने विशेष समारोहमा पौडेलले कार्कीबाट शपथ ग्रहण गर्न लागेका हुन् । यसअघि राष्ट्रपतिलाई प्रधानन्यायाधीशले शपथ ग्रहण गराउँदै आएका थिए ।

योपटक प्रधानन्यायाधीश नभएकाले कायममुकायम प्रधानन्यायाधीशको जिम्मेवारीमा रहेका कार्कीले शपथ ग्रहण गराउने लागेका हुन्छन् ।

पौडेल फागुन २५ गते एमालेका उम्मेदवार सुवासचन्द्र नेम्वाङलाई पराजित गरी राष्ट्रपतिमा निर्वाचित भएका थिए । पौडेल आजै बोहराटारस्थित निजी निवासबाट शितलनिवास सर्दैछन् ।