काठमाडौं । मधेस प्रदेशको साइकल खरिदमा भएको भनिएको भ्रष्टाचार प्रकरणमा जोडिएका तत्कालीन प्रदेश सचिव यमलाल भुसाल १० लाख रूपैयाँ धरौटीमा छुटेका छन् ।

विशेष अदालतका अध्यक्ष श्रीकान्त पौडेल र सदस्य शालिग्राम कोइरालाको इजलासले भुसाललाई धरौटीमा छाड्न आदेश दिएको हो ।

विशेष अदालत स्रोतले धुसाललाई १० धरौटीमा छाड्न आदेश दिएको जनाएको छ ।

गत साउन १८ मा मधेस प्रदेशको ‘बेटी पढाऊ, बेटी बचाऊ’ कार्यक्रमअन्तर्गत साइकल खरिदमा उनीसहित अन्य व्यक्तिले भ्रष्टाचार गरेको अभियोग लगाउँदै अख्तियार दुरूपयोग अनुसन्धान आयोगले भ्रष्टाचार निवारण ऐनको दफा ८(१) र दफा ९ बमोजिम थप सजायको मागदाबी गर्दै मुद्दा दायर भएको थियो । यसमा मुख्य जिम्मेवार भुसाल भएको र उनका कारण मधेस प्रदेश सरकारलाई १० करोड ३३ लाख रूपैयाँ नोक्सान भएको निचोड निकाल्दै उति नै रकम बिगो माग दाबी गर्दै मुद्दा दायर भएको थियो ।