१४ वर्षपछि मधेशले पायो दोस्रो उपराष्ट्रपति, यादवले मारे बाजी

काठमाडौं । मधेशले १४ वर्षपछि दोस्रो उपराष्ट्रपति पाएको छ । शुक्रबार भएको निर्वाचनमा सत्ता गठबन्धनबाट साझा उम्मेदवार रहेका रामसहायप्रसाद यादव विजयी भएका छन् ।
एमाले उपाध्यक्ष अष्टलक्ष्मी शाक्य र जनमत पार्टीकी नेता ममता झालाई पछि पार्दै उनी उपराष्ट्रपतिमा निर्वाचित भएका हुन् । यादव ३० हजार ३२८ मतभारसहित निर्वाचित भएको निर्वाचन आयोगले जानाएको छ ।
आयोगका अनुसार रामसहाय प्रसाद यादवले संघीय सांसद तर्फ १८४ को मतभार १४ हजार ५३६ र प्रदेश सभाको मत ३२९ को मतभार १५ हजार ७९२ पाएका छन्। एमालेकी अष्टलक्ष्मी शाक्यको संघका १०४ सांसद र प्रदेशसभाका १६९ गरी १६ हजार ३२८ मतभार पाइन् । जनमतकी ममता झाले प्रदेशमा १५ र संघमा २३ गरी २ हजार ५३७ मतभार पाइन् । मतदानमा तीन सय ११ सङ्घीय सांसद र पाँच सय १८ प्रदेशसभा सदस्यले मतदान गरेका थिए ।
गणतन्त्र स्थापानपछि २०६४ सालमा भएको पहिलो संविधानसभा निर्वाचनमा तत्कालीन मधेशी जनअधिकार फोरमको तर्फबाट परमानन्द झा पहिलो उपराष्ट्रपतिमा निर्वाचित भएका थिए ।
२०७० मा भएको दोस्रो संविधानसभामा माओवादी केन्द्रका तर्फबाट नन्दबहादुर पुन निर्वाचित भएका थिए । संविधान बमोजिम राष्ट्रपति र उपराष्ट्रपतिमा फरक लिङ्ग वा समुदायको प्रतिनिधित्व हुनुपर्ने भएपनि दलीय भागबण्डाका कारण यादवले बाजी मारेका हुन् ।
ताजा अपडेट
-
गृह मन्त्रालयका सहसचिव भट्टराई नियन्त्रणमा
-
त्रिभुवन अन्तर्राष्ट्रिय विमानस्थल अध्यागमन कार्यालयमा अख्तियारको छापा
-
अभिनेत्री वर्षा राउत सीजी मोटर्सको ब्रान्ड एन्डोर्सरमा नियुक्त
-
गाउँपालिकाका प्रमुख प्रशासकीय अधिकृतसहित ४ जनामाथि अख्तियारले चलायाे भ्रष्टाचार मुद्दा
-
गोरखामा बसको ठक्करबाट चार वर्षीया बालिकाको मृत्यु
प्रतिक्रिया