काठमाडौं । सिके राउत नेतृत्वको जनमत पार्टीले आइतबार सम्पन्न स्ववियु निर्वाचनमा जितको खाता खोलेको छ । पश्चिम नवलपरासीको पाल्ही बहुमुखी क्याम्पसमा जनमत पार्टी निकट विद्यार्थी संगठनले पहिलो जित निकालेको हो ।

उक्त क्याम्पसको स्ववियु सभापतिमा जनमत विद्यार्थी संघका वृजनन्दन कुर्मी अनेरास्ववियुसहितको संयुक्त प्यानललाई हराउँदै विजयी भएका हुन् । कुर्मीले कुर्मीले १२८ मत हासिल गर्दा निकटतम प्रतिस्पर्धी कृष्ण पटेल १०० मतमा रोकिए । नेविसंघका सुनील कुमार गौडलेले ९८ मत पाए ।

त्यसैगरी, सचिव, कोषाध्यक्ष, सदस्यमा पनि जनमत पार्टीनिकट विद्यार्थी संगठन विजयी भएको छ ।