काठमाडौं । प्रधानमन्त्री पुष्पकमल दाहाल ‘प्रचण्ड’ ले रोजगारीका लागि विदेश जाने युवाहरुलाई ठगी गर्ने, ढिलासुस्ती गर्ने काम सरकारलाई मान्य नहुने बताएका छन् ।

सामाजिक सुरक्षा कोषले बुधबार काठमाडौंमा आयोजना गरेको कार्यक्रमलाई सम्बोधन गर्दै उनले अब रोजगारीका लागि विदेश गएका युवाहरूलाई दुःख दिने दिन सकिएको जिकिर गरे ।

विदेश जानेहरुलाई तालिम दिई दक्ष बनाएर मात्रै पठाउने गरी सरकारले तयारी गरिरहेको उनले बताए । उनले आगामी दिनमा थप जनमुखी र श्रमिकमैत्री सेवा प्रवाह गर्न सम्बन्धित निकायलाई निर्देशन दिए ।