वसन्त कुँवर आइजीपी नियुक्त

काठमाडौं । नेपाल प्रहरीका प्रहरी अतिरिक्त महानिरीक्षक बसन्तबहादुर कुँवर प्रहरी महानिरीक्षक(आइजीपी) नियुक्त भएका छन् ।
आज बसेको मन्त्रिपरिषद् बैठकले उनलाई आइजीपी नियुक्त गरेको हो ।
महानिरीक्षकको दौडमा रहेका पाँच एआईजीमध्ये उनी पहिलो नम्बरमा थिए । कुवँरसँगै टेकप्रसाद राई, दीपक थापा, श्यामलाल ज्ञवाली र किरण बज्राचार्य पनि आइजीपी बन्ने दौडमा थिए ।
यसपटक भने सरकारले वरीयता क्रम कायम राखेर आइजीपी नियुक्त गरेको छ । यसअघिका नियुक्ति वरीयता मिचेर गर्दा विवादित बन्ने गरेका थिए ।
कुँवर २०५९ चैतमा इन्स्पेक्टरबाट प्रहरी सेवामा आवद्ध भएका हुन् ।
प्रतिक्रिया