काठमाडौं । सत्तारूढ दलका सांसदहरू सभामुखको तजबिजी अधिकार खोस्ने प्रस्तावबाट पछि हटेका छन् ।

यसअघि संसद बैठक सञ्चालन र स्थगतसम्बन्धी सभामुखको अधिकार कटौती गर्ने गरी सत्तारूढ दल कांग्रेस, माओवादी, रास्वपा, जसपा लगायतका सांसदहरूले प्रतिनिधिसभा नियमावली विधेयकमाथि संशोधन विधेयक दर्ता गराएका थिए ।

संशोधन प्रस्तावमा सभामुखको तजबिजी अधिकार कटौती गरी कार्यव्यवस्था परामर्श समितिको बैठकले निर्णय गर्ने प्रस्ताव गरेका थिए ।

अब कार्यव्यवस्था परामर्श समितिको बैठक नियमित राख्ने गरी आफ्नो संशोधन फिर्ता लिएको कांग्रेसका सांसद रामहरी खतिवडाले बताए ।

यसअघि खतिवडाले सभामुख पार्टी विशेषको नहोस् वा अमुक दलबाट प्रभावित नहुन् भन्नका लागि संशोधन विधेयक दर्ता गरेको दाबी गरेका थिए ।