हाँस्दै चित्रबहादुर केसी भन्छन् – सांसदले घुस खानु नौलो होईन
काठमाडौं । राष्ट्रिय जनमोर्चा नेपालका अध्यक्ष तथा सांसद चित्रबहादुर केसीले रास्वपाका सांसदले २ करोड घुस मागेको विषय सामान्य भएको प्रतिक्रिया दिएका छन् ।
सांसद ढाकाकुमार श्रेष्ठ र व्यवसायी दुर्गा प्रसाईबीचको संवाद सार्वजनिक भएर यसमाथि बहस भइरहेको बेला सांसद केसीले यस्तो प्रतिक्रिया दिएका हुन् ।
उनले संसदीय प्रणालीमा यस्ता फोहोरी खेल हुनु नौलो विषय नभएको बताए । ‘सांसदहरुले कस्ता कस्ता काण्ड गरेका हुन्छन् । यो मलाई नौलो लागेन । के नौलो भयो र ?,’ उनले हाँस्दै भने ।
आफू यही थलोमा बसेर सबै कुरा देखेपनि यस्तो फोहोरी खेलमा भने नमिसिएको उनको दाबी छ । ‘धेरै सांसदको यस्तो घटना छन् । अरुको बाहिर आएन, उसको आयो, फरक यत्ति हो,’ सांसद केसीले नेपालवाचसँग भने ।
प्रतिक्रिया