काठमाडौं । १५ महिनादेखि नेतृत्वबिहिन रहेको सर्वोच्च अदालतका प्रधानन्यायाधीश नियुक्ति प्रक्रिया आगाडी बढाउन प्रमुख शीर्ष नेताहरू सहमत भएका छन् ।

सोमबार ओली निवास बालकोटमा प्रधानमन्त्री एवं माओवादी केन्द्रका अध्यक्ष पुष्पकमल दाहाल प्रचण्ड, सभामुख देवराज घिमिरे र पूर्वप्रधानमन्त्री एवं कांग्रेसका सभापति शेरबहादुर देउवाबीच भएको छलफलमा संवैधानिक परिषदको बैठक बोलाउन सहमत भएको कांग्रेसका नेता रमेश लेखकले जानकारी दिए ।

‘सर्वोच्च न्यायालय लामो समय नेतृत्वबिहिन हुँदा राम्रो सन्देश गएको छैन । छिट्टो प्रधानन्यायाधीश प्रक्रिया अगाडी बढाउन प्रधानमन्त्रीज्यूले प्रस्ताव गर्नुभयो’, प्रधानमन्त्रीको भनाइ उद्धृत गर्दै लेखकले भने, ‘प्रधानमान्त्रीको प्रस्तावपछि ओलीजी संवैधानिक परिषदको बैठक बोलाउन सहमत हुनुभयो । अब प्रधानमन्त्रीले उपयुक्त समयमा प्रधानन्यायाधीश नियुक्त गर्न परिषदको बैठक बोलाउनुहुनेछ ।’

छलफलमा सत्य निरूपण तथा बेपत्ता छानविन आयोगसम्बन्धी संसदमा रहेको विधेयक अगाडी बढाउनेबारे पनि छलफल भएको उनले बताए ।