अफगानिस्तानमा सडक दुर्घटना हुँदा ११ जनाको मृत्यु

अमेरिकासँग तत्काल वार्ता गर्ने योजना छैन : इरानी मिडिया

अफगानिस्तानमा सडक दुर्घटना हुँदा ११ जनाको मृत्यु

नेपालवाच २०८० वैशाख १४ गते ११:५९

एजेन्सी । अफगानिस्तानको उत्तरी बाल्ख प्रान्तमा बुधबार भएको सडक दुर्घटनामा परी कम्तीमा ११ जनाको मृत्यु भएको तथा अन्य नौ जना घाइते भएका प्रान्तीय प्रहरी प्रवक्ता मोहम्मद आसिफ बाजिरीले बताएका छन् ।

नहरए शाही जिल्लामा भएको उक्त दुर्घटनामा केही महिला र बालबालिकासहित ११ जनाले ज्यान गुमाएका हुन् । घाइतेमध्ये केहीको अवस्था गम्भीर छ । गत आइतबार अफगानिस्तानमा भएकाे सडक दुर्घटनामा यो पाँचौ हो ।

गत मङ्गलबार पश्चिम बाघिस प्रान्तमा यस्तै दुर्घटनामा पाँच जनाले ज्यान गुमाएका थिए भने सोमबार बागलान प्रान्तमा भएको अर्को दुर्घटनामा ६ जनाको मृत्यु भएको थियो ।