काठमाडौं । भारतमा उपचाररत राष्ट्रपति रामचन्द्र पौडेल आज स्वदेश फर्किने भएका छन् ।

राष्ट्रपति कार्यालयका अनुसार उनी आज राति ८ः३० बजे नेपाल वायुसेवा निगमको जहाजमार्फत स्वदेश फर्किने कार्यक्रम छ ।

श्री एयरलाइन्सको जहाजमार्फत भारत पुगेका उनी निगमको नियमित उडानबाटै फर्किन लागेका हुन् ।

छातीमा पानी जम्ने समस्याका कारण त्रिवि शिक्षण अस्पतालमा उपचाररत उनी गत वैशाख ६ मा उप उपचारका लागि भारत गएका थिए ।

दिल्लीस्थित अखिल भारतीय आयुर्विज्ञान संस्थान(एम्स) मा उनको उपचार भएको हो । स्वास्थ्यमा सुधार आएसँगै उनलाई अस्पतालले आज डिसचार्ज गर्ने भएको छ ।