काठमाडौं । प्रधानमन्त्री पुष्पकमल दाहाल प्रचण्डले प्राचिन कपिवस्तुको राजधानी तिलौराकोट विश्वसम्पदा सूचीमा सुचिकृत हुने क्रममा रहेको बताएका छन् ।

लुम्बिनीसँगै कपिलवस्तु, देवदह र रामग्राममा रहेका ऐतिहासिक र पुरातात्त्विक महत्त्वका सम्पदाको संरक्षण र त्यस क्षेत्रको दिगो विकास गर्दै बृहत्तर लुम्बिनी क्षेत्रको रुपमा अघि बढाउने उनले बताए ।

२५६७औं बुद्ध जयन्ती मूल समारोहलाई सम्बोधन गर्दै उनले बृहत्तर लुम्बिनी क्षेत्रको रूपमा लुम्बिनीलाई विकास गर्न आफूले विगतमा संयुक्त राष्ट्रसंघका महासचिव वान की मुनसँग छलफल गरेको बताए ।

गौतम बुद्धको क्रिडास्थल र राजा सुद्धोदनको दरबारसमेत रहेको ठानिएको तिलौराकोट बुद्धको दरबार रहेको अध्ययन अनुसन्धानबाट प्रमाणित भएको राष्ट्रिय अन्तर्रष्ट्रि पुरातत्वबिदहरुको दाबी छ । तिलौराकोटलाई विश्व सम्पदा सूचीमा सुचीकृत गराउन १३ वर्ष देखि उत्खनन र अनुसन्धान जारी छ ।