एजेन्सी । छालामा निखार ल्याउन यसको सुरक्षा अपरिहार्य छ । अझ विशेषगरी मनसुनको समयमा यसमा विशेष ध्यान दिनुपर्छ । मनसुनमा पानी पर्नुका साथै गर्मी पनि बढ्छ । जसले पसिना पनि धेरै आउँछ । पसिनाकै कारण छालामा चिल्लोपना बढ्छ ।

छालामा चिल्लोपन बढ्दा चाया, पोतोलगायत छालासम्बन्धी समस्याले सताउँछ । मनसुनमा पानी पर्ने हुँदा यसले छाला सुख्खा हुने समस्यासमेत हुन्छ । त्यसैले मनसुनमा दिनको एक पटक काँचो दूधले अनुहार तथा हात खुट्टा सफा गर्न सकिन्छ । यसले छाला सफा गर्छ भने छालाको समस्या पनि हुन दिँदैन् । बाहिरको धुँवा धुँलोले अनुहार रुखो बनाएको हुन्छ ।

काँचो दूधमा प्राकृतिक रूपमा छाला सफा गर्ने गुण हुन्छ । त्यसबाहेक गुलाब जल पनि लगाउन सकिन्छ । यसले अनुहारमा चमक ल्याउँछ । छालामा चमक ल्याउनका लागि चन्दनको पनि प्रयोग गर्न सकिन्छ । चन्दन छालाको लागि निकै राम्रो मानिन्छ । यसले छाला ताजा राख्छ । छालाको सुरक्षा गर्न हामीले खाने खानपानको पनि प्रमुख भूमिका हुन्छ ।

सन्तुलित आहार छालाको लागि निकै महत्त्वपूर्ण हो । त्यसैले मनसुनमा सिजन अनुसारका फलफूल, ताजा हरियो साग सब्जी, नट्सको सेवनसँगै प्रशस्त मात्रामा पानी पिउनुपर्छ । यसले बाहिरबाट नभई भित्रैबाट छालामा प्राकृतिक सुन्दरता दिन्छ ।

छालाका लागि फलफूल तथा हरियो सागपात

छाला चम्किलो बनाउन टमाटरको प्रयोग यसरी गर्नुहाेस्

छालाको एलर्जी किन हुन्छ ?