काठमाडौं । पूर्वगृहमन्त्री बालकृष्ण खाँण पक्राउ परेका छन् ।

नक्कली भुटानी शरणार्थी प्रकरणमा मुछिएका उनलाई बुधबार काठमाडौं प्रहरी परिसरको टोलीले मैजुवहालस्थित खाँणको निवासबाट पक्राउ गरेको हो । उनी कांग्रेसका प्रभावशाली नेतासमेत हुन् ।

प्रहरीले उनका निजी सचिव नरेन्द्र केसीलाई समेत नियन्त्रणमा लिएको छ । थप अनुसन्धानका लागि खाँणलाई परिसरको कार्यालय टेकु लगिएको प्रहरीको उच्च अधिकारीले जानकारी दिएका छन् ।