काठमाडाैं । नाबालिका बलात्कार मुद्दामा एक वर्ष जेलजीवन बसाईपछि बाहिर निस्केका अभिनेता पल शाहको नयाँ म्युजिक भिडियो सार्वजनिक भएको छ । अदालतमा बयानको क्रममा पीडित बालिकाले नै बयान फेरेपछि अभिनेता शाह जेलबाट छुटेका हुन् ।

जेलबाट छुटेपश्चातको उनको  यो पहिलो म्युजिक भिडियो हो ।

यसभन्दा अघि निकै चर्चित भएको पुष्पन प्रधानको शब्द-संगीतमा ‘तिमीलाई हेर्ने बानी पर्‍यो’ बोलको गीतको महिला भर्सनमा म्युजिक भिडियो रिलिज भएको हो । महिला भर्सनमा गायिका अन्नु चौधरीले स्वर दिएकी छिन् ।

यो म्युजिक भिडियोको निर्देशन अभिनेता शाहले नै गरेका छन् ।  त्यस्तै यो भिडियोमा मोडल सनिशा भट्टराईलाई पनि देख्न सकिन्छ ।