काठमाडौं । सासंद विद्या भट्टराईले प्रधानमन्त्री पुष्पकमल दाहाललाई एनसेल, ललितानिवास, वाइडबडी जस्ता चर्चित काण्डका फाइल कहिले खुल्छ भन्दै आजको प्रतिनिधिसभामा प्रश्न गरेकी छन् ।

उनको प्रश्नको जवाफमा प्रधानमन्त्री दाहालले भ्रष्टाचारसम्बन्धी सबै प्रकरणको कानुन अनुसार अनुसन्धान र कारवाही हुने बताए ।  ‘भ्रष्टचारलाई कुनै हालतमा छुट नदिने र भष्टचारविरुद्ध शुन्य सहनशिलता नीतिको प्रभावकारी कार्यन्वयन गर्ने व्यवस्था मिलाउन सरकार दृढ छ’, उनले भने  ‘सबै अनियमितता र भ्रष्टाचारजन्य कार्यहरुको अधिकार प्राप्त निकायहरुबाट छानबिन गरी टुंगोमा पु-याउन सरकार प्रतिबद्ध छ’ ।