काठमाडौं । नक्कली भुटानी शरणार्थी प्रकरणमा जिल्ला सरकारी वकिलको कार्यालयले ३० जनाविरूद्ध मुद्दा दाय गरेको छ ।

नेपाल सरकारका वहालवाला सचिव टेकनारायण पाण्डेसहित ३० जनालाई प्रतिवादी बनाएर आज जिल्ला अदालत काठमाडौंमा मुद्दा दायर भएको हो ।

उनीहरूविरूद्ध सरकारी कागजात किर्ते, ठगी, राष्ट्रहितको विरूद्धको कसूर र संगठित अपराध मुद्दामा कारवाही गर्ने मागसहित मुद्दा दायर भएको छ ।

मुद्दा दायर हुनेमा एमाले सांसद टोपबहादुर रायमाझी, कांग्रेस नेता बालकृष्ण खाण, पूर्वसभासद् आङटावा शेर्पा, सचिव टेकनारायण पाण्डे, एमाले नेता रामबहादुर थापा बादलका सुरक्षा सल्लाहकार इन्द्रजित राईलगायत छन् ।

हाल उनीहरूमध्ये १६ जना प्रक्राउ परिसकेका छन् भने १४ जना फरार सूचीमा छन् ।