काठमाडौं । खानेपानी समस्या समाधानमा अहोरात्र जुटिरहेका धरान उपमहानगरपालिकाका प्रमुख (मेयर) हर्कराज राईविरुद्ध मुद्दा दायर भएको छ ।

खानेपानी बोर्डको बैठक नबोलाइएको आरोप लगाउँदै मेयर राईविरुद्ध मुद्दा परेको हो ।

कोकाहको पानी धरान ल्याएको भोलिपल्ट सामाजिक सञ्जालमा एक पोस्ट् गर्दै मेयर राईले खानेपानीको विषयलाई लिएर आफूविरुद्ध मुद्दा परेको बताएका छन् ।  खानेपानी समस्या सम्बोधनका लागि प्रयास गर्दा कुनै सहयोग नगर्ने मनोज भट्टराई, श्याम पोख्रेल, विजय श्रेष्ठ र देवराज श्रेष्ठ नामका व्यक्तिले आफूविरुद्ध मुद्दा दायर गरेको राईको भनाइ छ ।

धरानको खानेपानीको गुणस्तर सुधार गर्न जुट्दा आफूविरुद्ध यसअघि पनि दुई उजुरी अख्तियारमा परिसकेको उनले बताए । यसपालि आफूविरुद्ध मुद्दा कहाँ परेको हो भन्नेबारे उनले केही खुलाएका छैनन् ।

कोकाहको पानी धरानमा, हर्षले रोए हर्क (भिडियोसहित) – NepalWatch