हिंसात्मक गतिविधिबाट कोशी प्रदेशको नाम परिवर्तन हुँदैन : ओली
काठमाडौं । एमालेका अध्यक्ष केपी ओलीले संवैधानिक प्रक्रियाभन्दा बाहिर गएर कोशी प्रदेशको नाम परिवर्तन नहुने टिप्पणी गरेका छन् ।
सातै प्रदेशमा पार्टीका तर्फबाट निर्वाचित प्रदेश सभा सदस्यहरूलाई आइतबार भर्चुअल बैठकमा सम्बोधन गर्दै उनले साम्प्रदायिक हिंसाबाट प्रदेशको नाम नफेरिने बताएका हुन् ।
‘संवैधानिक प्रक्रियाभन्दा बाहिर गएर प्रदेशको नाम परिवर्तन हुँदैन । साम्प्रदायिक, हिंसात्मक गतिविधि एमालेलाई स्वीकार्य हुँदैन । प्रचार विभागले जारी गरेको विज्ञप्तिमा उल्लेख छ ।
यसैगरी ओलीले देशको बजेट स्वार्थ प्रेरित भएको आरोप लगाएका छन् । सरकार सञ्चालन, भौतिक पूर्वाधार विकास र सामाजिक सेवालाई केन्द्रमा राखेर बन्नुपर्नेमा स्वार्थ प्रेरित भएको टिप्पणी गरेका थिए।
प्रतिक्रिया