काठमाडाैं । सामसङले शून्य प्रतिशत ब्याजदरको वित्तीय सुविधासहित स्मार्टफोन खरिद गर्न सकिने सुविधा सार्वजनिक गरेको छ । यसससँगै अब ग्राहकहले शून्य प्रतिशत ब्याजदरमा सामसङका स्मार्टफोन खरिद गर्न पाउने भएका छन् ।

यो योजना २५ हजार रुपैयाँभन्दा बढी मूल्यका सामसङ स्मार्टफोन खरिद गर्ने ग्राहकहरूका लागि लागू हुने कम्पनीले जनाएको छ ।

यसका लागि कुनै क्रेडिट कार्डको आवश्यक नपर्ने कम्पनीले जनाएको छ । किस्ताबन्दीमा फोन लिनका लागि आवेदकको नागरिकता प्रमाणपत्र, र फोटो, ग्यारेन्टर बस्नेको नागरिकता प्रमाणपत्र र फोटो तथा आवेदकको आयस्रोत खुलेको पत्र भने आवश्यक पर्नेछ ।

साथै ग्राहकले ४० प्रतिशत अग्रिम भुक्तानी तिर्नुपर्नेछ ।