NepalWatch

News Portal For Eeverything In Nepal from Nepal

२०८१ असार ६ गते

आँपको पात कपालका लागि फाइदाजनक, जान्नुहोस् यसको प्रयोग

एजेन्सी । आँपको पात पूजा, विवाह आदि शुभ कार्यका लागि प्रयोग गरेको त देख्नुभएकै होला । तर के तपाईलाई थाहा छ ? यसको प्रयोग केवल शुभकार्यमा मात्र नभई कपालमा पनि गर्न सकिन्छ ।

यसले कपाल बाक्लो र लामो बनाउँछ । यदि तपाईको कपाल झर्ने समस्या छ भने पनि आँपको पात प्रयोग गर्न सकिन्छ। यसले कपालको जरालाई बलियो बनाउँछ र कपाल झर्न दिँदैन । आँपको पातमा भिटामिन ए, सी र ई पाइन्छ जसले तपाईंको कपाललाई बलियो बनाउन कोलाजेन उत्पादनलाई बढावा दिन्छ।

यसमा एन्टिअक्सिडेन्ट गुणहरु हुन्छन् । जुन कपालका लागि गुणकारी छ । आँपको पात प्राकृतिक तत्वले भरिएको हुँदा यसको प्रयोगले कुनै साइड इफेक्ट गदैन । यसले प्राकृतिक तवरले नै कपाललाई चम्किलो बनाउँछ ।

आँपको पातले टाउकोको रक्तनलीलाई क्षति हुनबाट रोक्छ र रक्तसञ्चारसमेत बढाउँछ। कपाल नबढ्ने समस्यामा पनि आँपको पात लाभदायिक मानिन्छ । यसको उपयोगले कपाल बढ्छ भने समय अगावै कपाल फुल्न दिँदैन । आपँको पात पोटासियम, म्याग्नेसियम र फ्लेभोनोइड्सको स्रोत हो । जसले कपाल कालो बनाउन मद्त गर्छ ।