काठमाडौं । एमालेका अध्यक्ष केपी ओलीले भारी वर्षाका कारण देशका विभिन्न भागमा बाढी पहिरोले जनधनको क्षति भएको भन्दै उच्च सतर्कता अपनाउन आग्रह गरेका छन् ।

पहिरोका कारण राजमार्गहरु अवरुद्ध हुने र यात्रुहरु प्रभावित हुने क्रम बढ्दै गएकोप्रति चिन्ता व्यक्त गर्दै उनले पार्टीको विपत् व्यवस्थापन विभागलाई उद्दार कार्यमा जुट्न निर्देशन दिएका छन् ।

‘हाम्रो पार्टीको विपत् व्यवस्थापन विभागलाई मौसमको प्रतिकूल प्रभाव र सम्भावित स्थितिबारे सर्वसाधारणलाई पूर्वजानकारी गराउन र आवश्यक उद्दार तथा सहयोग कार्यका लागि तयारी अवस्थामा रहन आग्रह गर्दछु’, बुधबार उनले सामाजिक सञ्जाल फेसबुकमा उल्लेख गरेका छन् ।

त्यस्तै बाढी पहिरोको जोखिम व्यवस्थापनमा राज्यले आफ्ना निकायहरुलाई यथोचित परिचालन गर्नका लागि ध्यानाकर्षण गराएका छन् ।