काठमाडौं । प्रधानमन्त्री पुष्पकमल दाहाल प्रचण्डले केही समयभित्र सबै माओवादी घटकहरू एक ठाउँमा आउने दाबी गरेका छन् ।

माओवादीहरु विभाजित हुँदा भ्रम छर्ने र सखाप पार्न विभिन्न शक्तिहरु लागेकाले सबै घटक एक ठाउँमा आउन लागेको उनले बताए । पार्टी निकट अखिल क्रान्तिकारीको स्ववियु काउन्सिलको भेलालाई बुधबार सम्बोधन गर्दै उनले प्रतिक्रियावादी शक्तिहरू लागिरहेको उनको जिकिर छ ।

‘जनयुद्धकालमा हामीलाई घेरा हाल्ने र सखाप पार्ने प्रतिक्रियावादी रणनीति थियो, जुन अहिले पनि उनीहरू त्यहि डिजाइन अनुसार अघि बढीरहेका छन्’, उनले भने, ‘ माओवादी आन्दोलनमाथि भ्रम फैलाउनेहरुको घेरा तोड्दै प्रतिवाद गर्न म सम्पूर्ण कमरेडहरूलाई आग्रह गर्दै सबै माओवादी घटकहरू एक आएपछि २०६४ को भन्दा शक्तिशाली हुने म विश्वास दिलाउन चाहन्छु ।’

विप्लव नेतृत्वको नेकपासहित पाँचदलीय समाजवादी मोर्चा बनाएका उनले माओवादी घटकहरूलाई मिलाएर शक्तिशाली माओवादी गठन गर्ने रणनीति बनाएका छन् ।