काठमाडौं । प्रधानमन्त्रीको राजीनामा मागेर एक हप्तासम्म संसद अवरोध गरेको एमाले अन्ततः खुलाउन सहमत भएको छ ।

जारी अवरोध हटाउने विषयमा सोमाबार पनि प्रधानमन्त्री प्रचण्ड, एमालेका अध्यक्ष केपी ओली र कांग्रेसका सभापति शेरबहादुर देउवा छलफलमा जुटेका हुन् । बैठक सकारात्मक भएको नेताहरूले बताएका छन् । बैठकबाट बाहिरिएका ओलीले संसदमै थाहा हुने जवाफ दिएका छन् ।

आइतबार भएको छलफलमा प्रमुख तीन नेताबीच सहमति भएपनि अन्तिम समयमा आएर भाँडिएको थियो । असार १८ गते भारतीय नागरिक सरदार प्रीतम सिंहबारे लेखिएको पुस्तक विमोचनमा प्रचण्डले आफूलाई प्रधानमन्त्री बनाउन सिंह पटक पटक भारत गएको अभिव्यक्ति दिएका थिए । सो अभिव्यक्ति राष्ट्रहितविपरीत भएको भन्दै एमालेले संसदमा प्रधानमन्त्रीको राजीनामा नआएसम्म संसद अवरोध जारी रहने अडान लिएको थियो ।