हेलिकप्टर दुर्घटनाबारे छानबिन समिति बनाउँछौं : किराती
काठमाडौं । संस्कृति, पर्यटन तथा नागरिक उड्डययनमन्त्री सुदन किरातीले छानबिन समिति बनाउने बताएका छन् ।
मंगलबार जनकपुरधाममा आयोजित कार्यक्रममा उनले मनाङ एयरको हेलिकप्टर दुर्घटनाबारे अध्ययन गर्न सरकारले छानबिन समिति बनाउने बताएका हुन् ।
‘हामीले डे वान देखि नै सेफ्टी फर्स्ट भनेका छौं । सेफ्टीमा कुनै सम्झौता हुँदैन’, उनले भने, ‘हाम्रो पहिलो शर्त सुरक्षा हो । यसबारे हामी छलफल नै छौँ । अब छानबिन समिति बन्छ । भोलिसम्ममा गठन हुन्छ ।’
बिहान सोलुखुम्बुबाट काठमाडौंका लागि उडेको मनाङ एयरको हेलिकप्टर सोलुखुम्बुको लिखुपिकेमा दुर्घटना हुँदा एक नेपाली पाइलटसहित मेक्सिकोका ५ जना यात्रुको मृत्यु भएको थियो ।
प्रतिक्रिया