काठमाडौं । बागमती प्रदेशमा  प्राथमिक तहमा कार्यरत ३०४ शिक्षकको पदोन्नति भएको छ ।

शिक्षक सेवा आयोग, शिक्षा विकास निर्देशनालय, हेटौंडाले कार्यसम्पादन मूल्यांकनका आधारमा १३ जिल्लाका विद्यालयहरूमा कार्यरत प्राथमिक तहका शिक्षकको द्वितीय श्रेणीमा बढुवा गरेको हो ।

शिक्षक सेवा आयोग नियमावली, २०५७ को परिच्छेद ४ को नियम ३३ बमोजिम सबैभन्दा बढी अंक प्राप्त गर्ने उम्मेदवारलाई बढुवाका लागि सिफारिस गरेको आयोगले जनाएको छ ।

बढुवा सिफारिस समितिले गरेको निर्णयउपर कसैलाई चित्त नबुझेमा ३५ दिनभित्र उजुरी दिन निर्देशनालयले अनुरोध पनि गरेको छ ।

हेर्नुहोस् बढुवाको सूचना