काठमाडौं । सप्तरीस्थित विष्णुपुर गाउँपालिकामा कार्यरत लेखापाल टेक नारायण यादव र एमआइएस अपरेटर विरेन्द्रकुमार यादव घुससहित पक्राउ परेका छन् ।

आज अख्तियार दुरूपयोग अनुसन्धान आयोगको टोलीले उनीहरूलाई पाँच लाख घुससहित पक्राउ गरेको हो । यादवले सोला बत्ती जडान लगायत योजनाको भुक्तानीवापत सेवाग्राहीसँग दुई लाख रूपैयाँ घुस मागेको उजुरी परेको थियो ।

सोही उजुरीमाथि अनुसन्धान हुँदा उनीहरू दुवैलाई दुई लाख रूपैयाँ नगद र तीन लाख रूपैयाँ चेकसहित रजविराज नगरपालिका वडा ३ स्थित त्रिभुवनचोेकबाट पक्राउ गरिएको हो ।

उनीहरूमाथि थप अनुसन्धान भइरहेको आयोगका प्रवक्ता भोला दाहालले बताएका छन्।