काठमाडौं । नक्कली भुटानी शरणार्थी प्रकरणमा पुर्पक्षका लागि थुनामा रहेका दशजना अभियुक्तहरूको मुद्दा एकैसाथ हेर्न उच्च अदालत पाटनले आदेश दिएको छ ।

उनीहरूलाई पुर्पक्षका लागि थुनामा पठाउने काठमाडौं जिल्ला अदालतको आदेशविरूद्धको मुद्दा एकैसाथ हेर्न आदेश दिएको हो ।

आज न्ययायाधीश हरिप्रसाद पौडेल र किरणकुमार पोखरेलको संयुक्त इजलासले यसबारेमा विभिन्न मितिमा परेका एकैकिसिमका निवेदन एकैसाथ हेर्न भनेको हो ।

नक्कली भुटानी शरणार्थी प्रकरणमा नरेन्द्र केसी, टेकनारायण पाण्डे, सानु भण्डारी, आङ्टावा शेर्पा, इन्द्रजित राई, हरिभक्त महर्जन, लक्ष्मी महर्जन, सन्देश शर्मा, शमशेर मिया र गोविन्द चौधरीले छुट्टाछुट्टै मुद्दा दिएका छन् ।