प्रतिनिधिसभा बैठक आज बस्दै
काठमाडौं । प्रतिनिधिसभाको बैठक आइतबार बस्ने भएको हो । दिउँसो १ बजे बस्ने गरी बैठक आह्वान गरिएको संसद् सचिवालयले जनाएको छ ।
सुन तस्करी प्रकरणको छानबिनका लागि संसदीय समिति बनाउनुपर्ने अडान राख्दै एमालेले गत साउन १० गतेदेखि संसद् अवरुद्ध गर्दै आएको छ ।
प्रधानमन्त्री पुष्पकमल दाहाल र सभामुख देवराज घिमिरेले संसदको गत्यावरोध खुलाउन प्रयास गरे पनि त्यसले सार्थकता पाउन सकेको छैन ।
संसदको कामकारबाही प्रभावित पार्न नहुने मत पार्टीभित्रै प्रकट हुन थाले पनि एमाले टसको मस भएको छैन ।
प्रतिक्रिया