काठमाडौं । नेकपा एमालेका अध्यक्ष केपी ओलीसहित सो पार्टीका केही नेता प्रधानमन्त्रीनिवास बालुवाटार पुगेका छन् ।

प्रधानमन्त्री पुष्पकमल दाहाल प्रचण्डले भेटका लागि निम्तो गरेपछि ओलीसहित एमाले नेता बालुवाटार पुगेका हुन् ।

प्रधानमन्त्री प्रचण्डको सचिवालयले एमाले अध्यक्ष ओली, उपाध्यक्ष विष्णु पौडेल र सो पार्टीका संसदीय दलका प्रमुख सचेतक महेश बर्तौला छलफलका लागि बालुवाटार आएको जनाएको छ ।

अमेरिका र चीनको भ्रमण सकाएर फर्किएलगत्तै प्रधानमन्त्रीले प्रमुख प्रतिपक्षी दलका नेतासँग संवाद गर्न लागेका हुन् । छलफलको विषय भने खुलेको छैन ।