एसियाली खेलकुद : माल्दिभ्सलाई हराउँदै नेपाल क्वाटर फाइनलमा
काठमाडौं । एसियाली खेलकुदको पुरुष क्रिकेटमा नेपाल क्वाटरफाइनलमा प्रवेश गरेको छ । आइतबार बिहान सम्पन्न खेलमा माल्दिभ्सलाई १३८ रनले हराउँदै नेपाल क्वाटरफाइनल प्रवेश गरेको हो ।
योसँगै नेपालले अन्तिम आठमा स्थान पक्का गरेको छ ।
माल्दिभ्ससँगको खेलमा अविनाश बोहरा चम्किए । उनले सानदार बलिङ गर्दै ३.४ ओभरमा मात्रै ११ रन खर्चेर ६ विकेट लिए ।
त्यस्तै, सोमपाल कामी, गुल्शन झा, सन्दीप लामिछाने र कुशल भुर्तेलले समान एक/एक विकेट लिए ।
त्यसअघि टस जितेर पहिले ब्याटिङ गरेको नेपालले ७ विकेट गुमाएर २१२ रन जोडेको थियो ।
नेपालका लागि कप्तान रोहित पौडेलले ५२ रन जोडे । उनले २७ बल खेल्दै तीन छक्का र तीन चौकाको मद्दतमा अर्ध शतक बनाएका हुन् ।
कुशल मल्लले ४७, कुशल भुर्तेल र गुलशन झाले समान ३५–३५ र विनोद भण्डारीले १३ रन जोडे । अन्यले भने दोहोरो अंकको रन जोड्न सकेनन् ।
ट्रेन्डिङ
थप समाचार
ताजा अपडेट
-
यस्तो छ आज विदेशी मुद्राको विनिमय दर
-
राष्ट्रिय सभाको बैठक बस्दै, यस्तो छ कार्यसूची
-
त्रिभुवन विमानस्थलको अध्यागमनमा खादा, माला र संस्थागत पहिचानका सामग्री प्रयोगमा प्रतिबन्ध
-
पाटन अदालतको इतिहासमा पहिलो पटक दुईवर्षे मुद्दा शून्यमा
-
आगामी आर्थिक वर्षका लागि त्रिविको २८ अर्ब बजेट पारित
प्रतिक्रिया