काठमाडौं । हाफ पाइन्ट र मिनी स्कट लगाएर जिल्ला प्रशासन कार्यालय, झापामा सेवा लिन जाँदै हुनुहुन्छ ? यदि त्यसो हो भने पहिरनमा ख्याल गर्नु होला । अन्यथा तपाईं प्रशासनको गेटबाटै फर्काइन पनि सक्नुहुन्छ ।

जिल्ला प्रशासन कार्यालय, झापाले भड्किला, असम्भ र अस्वाभाविक पहिरनलाई वन्देज गर्न सेवाग्राहीको ड्रेस कोड तोकेको हो ।

जिल्ला प्रशासन कार्यालय झापाले यही असोज १२ गते एक सूचना जारी गरेर स्वाभाविक र सभ्य देखिने पोशाकमा आउन सेवाग्राहीलाई अनुरोध गरेको छ ।

सूचनामा पुरुषको हकमा हाफपाइन्ट र महिलाको हकमा मिनीस्कटजस्ता भड्किला र असभ्य पोशाक लगाएमा कार्यालय प्रवेशमै रोक लगाइने उल्लेख छ ।