काठमाडौं । व्यक्ति हत्या आरोपमा सजाय काटिरहेका नेपालगन्जका योगराज ढकाल ‘रिगल’लाई दिइएको आममाफीका विषयमा सर्वोंच्च अदालतले सरकारसँग जवाफ माग गरेको छ ।

श्रीमान् चेतन मानन्धरका हत्यारा रिगल आममाफी दिने राष्ट्रपति पौडेलको निर्णयविरुद्ध भारती मानन्धरले दायर गरेको रिटमा न्यायाधीश मनोजकुमार शर्माको इजलासले बिहीबार आममाफी दिनुको कारणसहित लिखित जवाफ पेश गर्न आदेश दिएको हो ।

सर्वोच्चले असोज २४ गते ५ बजेभित्र जवाफ पेश गर्न आदेश दिएको छ । नेपालगन्जमा रिगलको निर्देशनमा मारिएका चेतनकी श्रीमती भारतीले असोज १४ गते रिट दायर गरेकी थिइन् । चेतनको २०७२ सालमा खुँडा हानी हत्या भएको थियो ।

सर्वस्वसहित जन्मकैद पाएका तरुण दलका नेता रिगललाई संविधान दिवसका अवसरमा असोज ३ गते आममाफी दिइएको थियो ।

आफ्ना पतिको जघन्य हत्यामा संलग्न ढकालको कैद सजाय माफी मिनाहा गर्ने राष्ट्रपतिको निर्णय बदर गरेर उनलाई फेरि कैदमा पठाउन शेर्पाले माग गरेकी छन् ।