काठमाडौं । चालु आर्थिक वर्षको पहिलो त्रैमासिक (साउन-असोज)  मा एनआइसी एशिया बैंकको नाफामा कमी देखिएको छ ।

बैंकको नाफा तीन महिनाको अवधिमा ४२.४८ प्रतिशतले घटेर १ अर्ब १ करोड ३ लाख ८३ हजार रुपैयाँ रहेको छ । गत आर्थिक वर्षको सोही अवधिमा कम्पनीको मुनाफा १ अर्ब ७५ करोड ६७ लाख ७९ हजार रुपैयाँ रहेको थियो ।

नाफासँगै बैंकको खराब कर्जा बढेको छ । बैंकको खराब कर्जा ०.५९ प्रतिशतबाट बढेर १.३७ प्रतिशत पुगेको छ । त्यस्तै सञ्चालन नाफा सञ्चालन नाफा ३८.९४ प्रतिशतले घटेर १ अर्ब ५४ करोड २९ लाख रुपैयाँ पुगेको छ ।

पहिलो त्रैमासिकसम्ममा बैंकले ३ खर्ब ६३ अर्ब ६४ करोड २४ लाख रुपैयाँ निक्षेप संकलन गरेको छ । त्यस्तै २ खर्ब ९४ अर्ब ९ करोड ६७ लाख रुपैयाँ कर्जा लगानी गरेको छ ।

बैंकको प्रतिसेयर प्रतिसेयर आम्दानी २६.५८ रुपैयाँ र  प्रतिसेयर नेटवर्थ २०२.०५ रुपैयाँ रहेको छ ।